இந்த புத்தாண்டு 2k18

உலகமே இன்றைய நாளை தான் புத்தாண்டாக கொண்டாடுகிறது..அப்புறம் ஏன் ஆங்கில புத்தாண்டு என பெயர் சூட்டிக் கொண்டு ..உலக புத்தாண்டாகவே வரவேற்போம் ..

ஏய் நூற்றாண்டே ??
இன்னும் எத்தனை ஆண்டை
கடக்கப் போகிறாய்..
ஓர் நூற்றாண்டு கூட
வாழ முடியாத மனித இனம் நான் ..!

மேலும் ! மேலும் !
வஞ்சித்து விடாதே .
இல்லையேல்..
வெறுத்து விடுவேன் கடந்த ஆண்டுகளை போல் !!

சென்ற ஆண்டின் ..
அதான் ! நேற்றைய நாளின் (டிசம் -31)
இருள் சூடிய வேளையில்
முகம் காட்டிய சந்திரனிடம்..
தூது உரையுங்கள்..

நீ அடுத்த ஆண்டில்
பிரகாசித்துக் கொண்டிருக்கிறாய் என..

என் வீட்டு முற்றத்தில் உள்ள
குட்டி குட்டி தவளைகளுக்கும் !
காய்க்காத தென்னை மரத்திற்கும் !!
எப்போதும் அந்த..
பல்பு வெளிச்சத்திலும் !
ஐன்னல் ஒரத்திற்கும் இடையே !!
தஞ்சம் புகுந்த பல்லிகளுக்கும் சொல்லியாச்சு ...
#happy_new_year என

அய்யோ !!..
அந்த மொட்டை மாடிக்கும்..
அங்கு ,நான் பார்க்கும் ..
வானத்திற்கும்..
சொல்ல மறந்திட்டேனே ..!!
பரவாயில்லை /
கோபித்துக் கொள்ள மாட்டாள் ..
அவளைப் போல ****

எல்லா நாளும்..
ஒரு நாளே ..என
தூங்குபவர்களுக்கும் புதிய ஆண்டின்
செய்தி சொல்ல..
விண்ணை பிளக்கிறது வெடிச்சத்தம் ..
கூடவே :: சீறி பாய்கிறது
150/180/220 சிசி ,புல்லட் ரக
மோட்டார்கள் ..அதுவும்
அந்த கரகர ஹார்ன் ஒலியுடன்..

அடேங்கப்பா ..
அந்த பேக்கரி கடைக்காரனிடம்
எவ்வளவு கூட்டம் ..!!
இவ்வளவு நாள்
காட்சிப் பொருளாய் ..அந்த
கண்ணாடி குடுவையை
அலங்கரித்த கேக்கை விற்றுத் தீர்த்துவிட்டான் ,ஒட்டு மொத்தமாக...
பரவாயில்லை..வித்தை தெரிந்தவன் தான் !!

ஸ்ப்பா ..ஸ்ப்பா...
குயி..குயி.குயி..குயி..
போலிஸ் ஜீப்பின் சத்தம் ..
சட்டம் தன் கடமையை செய்யும் போல்..!!

இந்தப் பக்கம் ..
ஏதோ ..ஆம்புலன்ஸ் சத்தம் ..
தன் உயிரை மாய்த்துக் கொள்ள
தானே காரணமாக இருப்பவன்
இந்த மனித இனம் மட்டும் தான்..!!

**

அந்த தார் ரோட்டு சாலைக்கும் ,
தெரு விளக்குகளுக்கும் ...
புதிய ஆண்டின் வருகையை
தெரியபடுத்த வந்துவிட்டாள் ..
எதிர் வீட்டு தேவதை !!

தண்ணீர் தெளித்து ,
கோலம் இட்டு ..
கலர் தூவி..
தன் கைபட happy new year 2018
என்றும் எழுதியாச்சு
இருந்தும் முற்று பெறவில்லை !
மன திருப்தியும் இல்லை !!

இவள் கோலம் போடும் வரை ..
இந்த தேவதையின் தேவதையாம்..
தகப்பனின் மார்ப்பில் சாய்ந்து
வேடிக்கை பார்த்தவளே..
கீழ் இறக்கி !
கோலப் பொடி அள்ளி
ஆண்டின் தொடக்கத்திலேயே..
அதற்கு முற்றுப்புள்ளி ஒன்றும் வைத்தாயிற்று ..
அந்த பிஞ்சு விரல்களால் !!

ஏய் நூற்றாண்டே  !!
உன் வேகத்திற்கு
எங்களால் ஈடு கொடுக்க முடியாது ..
அதனால் , பொறுத்துச் செல்..
சபித்து விடாதே //
இல்லையேல் !!
வெறுத்து விடுவேன் வழக்கம் போல்
இந்த ஆண்டையும் ..

தொலைந்து போன நட்புகள் !!

கலகலவென இருந்த அறைகள்
இப்போது கல்லறை போல் ...
ஓர் மாயான அமைதி !!

ஆட்கள் இல்லாத வீட்டில் ..
எனக்கு மட்டும் என்ன வேலை ?
என, அந்த கொசுவிற்கு கூட கிராக்கி வந்துவிட்டது ...

***

ஸ்டார் டிவி, சூரிய டிவி ...
என..அலறும் சத்தம்
கேட்ட வீடு ...
இப்போது ! எல்லாம்
மெதுவாய் சுத்தும் அந்த
மின்விசிறியின்
கரகர ஒலி மட்டும் தான் ...

இன்னும் கொஞ்ச நாள் போனால் ..
அந்த கடிகாரத்தின்
நொடி முள் சத்தம் கூட ,இந்த
வீட்டை முழுவதுமாக
ஆக்கிரமித்து விடும் போல் ...

ஒரு நிமிஷம் ..
யாரோ ?
கூப்பிடுவது போல் இருக்கிறது ..

அட ச்சே !!
வேறு யாரும் இல்ல ..
என் பெயரை நானே மனதுக்குள் உச்சரித்து இருக்கிறேன் ..
இது தான் மனப் பிரம்மையோ ?

****

அழுக்குத்  துணிகளால்..
அலங்கரிக்கப்பட்ட
ஐன்னல் , வாசல் கதவு ,
அப்புறம் அந்த கொடி ..
எதையும் காணும் இப்போ !!

கறை பொதிந்திருந்த
கேஸ் ஸ்டவ் உள்ள அடுப்பங்கறை ..
டப்பா டப்பா வா //
அடுக்கி வைத்திருந்த அலமாரிகள் ..
குக்கரின் விசில் சத்தம் !
என்றாவது ஒரு நாள்
கமகமக்கும் நண்பனின் சாம்பார் ..
இதையும் காணும் இப்போ !!

முந்தி எல்லாம் ..
நான் மட்டும் அமைதியாக.. தனியாக
இருந்தேன் !

இப்போது ..
என்னைப் பின்பற்றி ..
எனக்கு துணையாக இன்னும்
சில உயிரில்லாப் பொருட்கள் ..

*****

பைத்தியகாரனாக இருக்கும் போல..
அந்த சிலந்தி !!
எந்தன் வீட்டை நான்
இன்னும் காலி செய்யவில்லை ..

அதற்குள் ,
அவன் வீடு கட்ட ஆரம்பித்துவிட்டான்
மூலைக்கு மூலை ..

இங்கு !
சில பிரிவுகள்
பொதுவானது தான் ..
ஆனால்,அவையெல்லாம் !!
நியாயமானது என்று சொல்ல முடியாது ..

தினமும் ..
பார்த்துக் கொண்டும்..
கைக் கோர்த்து கொண்டும்..
திரிந்த உறவுகள் !!

இனி !!
என்றாவது பார்க்கலாம் என...
கை குலுக்கி விட்டு வெகுதூரம் செல்கிறது..

*****

ஒரு நாள்..
நானும் இந்த வீட்டை விட்டு
போகத் தான் போகிறேன் ..
ஆனால் !
என் வாழ்வில் சில நாட்கள்
இங்குதான் என..
என் முதுமை இந்த நினைவுகளை
அசைபோட தயாராக இருக்கிறது !!

இங்கு ..
என்னை சுற்றி எல்லாமே இருக்கின்றது..
ஆனால் !
எனக்காக தான் என்று எதுவுமில்லை ..
இது தான் இன்னும் இன்னும்
நிறைய யோசிக்க வைக்கின்றது !!

                           
                           ********

** MY மனசு WHAT SAYING **

** மனக்குமுறல் **

பொதுத் தேர்வில் அதிக கட் ஆப் மதிப்பெண் எடுத்தும்,அரசாங்கத்தின் சாதி  பிரிவுகளுக்கான இட ஒதுக்கீட்டின் படி நல்ல காலேஜில்  

(அரசு மற்றும் சில புகழ் ஓங்கிய தனியார் கல்லூரிகளில் )
இன்ஜீனியரிங்க் படித்தாலும் சரி....

மீதம் உள்ள கல்லூரிகளில் இன்ஜினியரிங் படித்த மாணவர்களாக இருப்பினும் சரி ...

இவர்களை நான் தரம் பிரித்து..

***
உங்களுக்கு வேலை கிடைப்பதே அரிது.. இங்க ..contract என உருவாகும் வரை என்னைப் போன்ற 85%  இன்ஜினியரிங் மாணவர்களுக்கு ஏதோ ஒரு வகையில் நல்ல வேலை கிடைத்தது ..அது என்ன என்னைப் போன்றவா ? முழுசா படிங்க அப்ப புரியும் ...

Conract guyz உடல் நோகாமல் சம்பாதிக்கும் வித்தையே இவர்கள் எப்போது கண்டறிந்தார்களோ ! அப்ப ஆரம்பித்தது இந்த பிரச்சனை ! இன்ஜூனியரிங்க் படிச்சா வேலை இல்லையென்று ..

நீ எந்த கல்லூரியில் படித்தாலும் சரி..உனக்கான ஊதியம் (most of all )
₹ 8000 .. இதுல எல்லா நாளும் வேலைக்கு வந்தால் ₹500 சிறப்பு ஊக்கத் தொகை ..
(அட த்தூ..  ****   sorry .வாய்ல கொசு போய்டுச்சு )..

கொசு செத்துடுச்சு..சரி..நம்ம கதைக்கு வருவோம்..அந்த ₹ 8000 வாங்குறதுக்கு நீங்க எதையெல்லாம் அடகு வைக்கனும்னு சொல்ல விரும்பவில்லை !!

இல்ல..நான் இன்ஜினியர் எனக்கு ஐந்து இலக்க சம்பளம் (likely 10k to 15k ) வேண்டும் என்றால் அதற்கும் வழி வைத்திருக்கிறார்கள் இந்த contract guyz. என்ன 12 மணி நேர வேலை ...இதில் வேலை மட்டுமே 12 மணிநேரம் ..நீங்க வேலைக்கு கிளம்புறது,சாப்பிடுறது,திரும்ப வீட்டுக்கு வர ..எப்படி பார்த்தாலும் ஒருநாளில் 15 மணி நேரத்தை இவர்களுக்கே செலவிட நேரிடும்..

இது என்னடா வாழ்க்கைனு சொல்லி முடிக்கிறதுக்குள்ளவே அடுத்த நாள் வந்துடும் ..இதில் மற்றொரு சிறப்பு
உங்களை அந்த கம்பெனியின் நிரந்தர ஊழியர்களிடமிருந்து வேறுபடுத்தி காட்ட உங்களுக்கு டி-சார்ட் வழங்கப்படும் ..( அந்த மாதிரி கலர் சட்டை போட எல்லாம் தகுதி வேண்டும் டா )

***

இன்னொரு குரூப் இருக்கு ! பொறங்கையை நக்கிற மாதிரி.. (கொஞ்சம் சொல்ற விதம் ugly ஆக தான் இருக்கும்..but,இது என் மனக்குமுறல் தானே ..அதுக்கு தெரியாது இது எல்லாம் )

உள்ளங்கையே நக்கிறவங்க அந்த contract ல் வேலை செய்பவர்கள் ..உண்மையிலேயே நக்கிற அளவுக்கு எதுவும் இருக்காது அவர்களிடத்தில்...அது வேற விஷயம் !

இந்த பொறங்கைனு சொன்னது நம்ம (reference guys ) தான்...நம்ம கூட தான் குப்பை கொட்டிருப்பான் ..ஆனா, ஏதோ சொல்ற அளவுக்கு நல்ல வேலைல இருப்பான் ..பொறாமை எல்லாம் இல்லை ..ஆனா, கொஞ்சம் வயிறு எரிய தான் செய்யுது..

உடனே ..இந்த கூட்டம் பொங்கி எழும் ... ஏன் ? உனக்கு reference இருந்தா போகமாட்டியா என்று...கண்டிப்பா பொறங்கையை நக்கிற அளவுக்கு எனக்கு மாமனோ,மச்சானோ இருந்தா ?? ஆனா, இல்லையே...

இந்த இரண்டு வகையிலும் இல்லாத ஒரு குரூப் இருக்கு ! இன்ஜினியரிங் படிச்சிட்டு அத்தனை அரசாங்க உத்தியோகத்துக்கும் தேர்வு எழுதுவான் ..இதில் சிறப்பு என்னவென்றால் ! அந்த தேர்விற்கு தகுதி +2 தான் ...இதில் கூடுதல் சிறப்பு என்னவென்றால் !! அதிலும் பாஸ் பண்ண மாட்டான் ..இதுல இன்னும் கொஞ்ச பேர் , மச்சான் உன் கம்பெனியில வேலை இருக்கா ? அங்க இருக்கானு ? கடைசி வரைக்கும் கேட்டுகிட்டே இருக்கும் ...அப்படியே ஒரு கம்பெனியில சேர்ந்தா  கூட இரண்டு ,மூனு மாசம் தான் ...

பசங்க தான் இப்படியென்றால் ! பெண் இன்ஜினியர்கள் பேங்க் தேர்வு ... ஷோ ரூம் வரவேற்பாளர்கள் (receptionist) ..இன்னும் கொஞ்சம் கல்யாணம் பண்ணிடும் ...இன்னும் கொஞ்சம் பேர் வீட்ல உட்கார்ந்து நல்லா சீரியல் பார்க்கும் ...இதுல இன்னும் கொஞ்சம் தான் அவளுடைய கனவை நிறைவேற்ற சீறிட்டு இந்த உலகில் தடம் பதிக்கும் !!

நான் இறுதியாக சொல்ல விரும்புவது எல்லாம் ...எங்களை கை நீட்டி நீ இன்ஜினியரிங் ஒழுங்க படிக்கலனு ...நீங்க சொல்லகூடாது ..அதை கேட்கும் தகுதி உங்களுக்கு இல்ல !! உன் கணக்கு படி தேர்வில் தேர்ச்சி பெற்றால் u r an engineer..

Yaaa! Of course i am an engineer ..with first class...

எங்களது உழைப்பை , உரிமையே,உணர்வை,கனவை,இன்னும் சொல்லப் போனால் எங்களது இளமையையும்  பறித்துக் கொள்கிறாய் ...

உழைப்புக்கேற்ற ஊதியம் தா என்று சொல்லவில்லை ! எங்கள் உழைப்பிற்கு கொஞ்சமாவது மரியாதை தா என்று தான் கேட்கிறோம் ...

All the above words are

"My மனசு what saying "
----- an Engineering------